الاختلااااااااس فى الرشووه جي بعون الله ف الامتحان وافتكروا كلمتى ::]
خط ايد اهو للكورسات وللناس العاااديه ::
الاختلاس جريمه من جرائم المصلحه العاامه :: تتكون من اركاان
الركن المفترض :: الركن المادى :: الركن المعنوى
اولا :: الركن المفتررض :: لازم تقع جنايه الاختلاس من مووظف عااام :: اى لابد ان يكون له صفه :: اي كان صفه حقيقى او حكما :: او فعليا :: طبقا لنظريه الموظف الفعلي ::
فبالبلدى :: لو اختلس موظف مال من الاموال الخاصه بالدووله بسبب وظيييفته :: كان مرتكبا لجريمه اختلااااس
ثاانيا :: الركن المااادى ::
بيتكون هذا الركن من ثلاث عناصر ::
فعل الاختلاس :: محل الاختلاس :: حيازه الاشياء المختلسه بسبب الوظيفه ::
أ- فعل الاختلاس ::
بصوا اشباب :: يختلف الاختلاس ف جرائم المال العام :: عكس الاختلاس ف جريمه السرقه :: فمثلا انتزاع مال من مالكه :: بالقوه او دون رضائه دى اسمها سرقه :: ياعنى لو الموبايل بتاع خالد :: وانا تسللت للاوضه وخدت الموبايل :: انا كده ارتكبت سرقه لان المال ده مش مملوك ليا ::
اما الاختلاس ف جرائم المال العام :: ده ممال (منقول ) بيقع تحت حيااااازه الموظظظف بسبب وظيفته :: فقرر ان يتصر فيه كأنه مالكه :: ياعنى عاش الدور :: هو معاه المنقول ده بسبب وظيفته ياعنى حيازه ناقصه :: فتصرف فيه كأنه مالكه اى حيازه كامله :: فيعد مرتكبا لجريمه اختللاس
ياعنى فعل الاختلاس هو ان المال يدخل فى حيازه الموظف حيازه ناقصه بسبب وظيفته فتتغير نيته ع المال فيحولها لحيازه كامله :: اى يظهر كأنه المالك الحقيقى :: فيتصرف ف المال برهنه او ببيعه او اقراضه للغير او ايجاره وهكذا ياعنى تعامل كأن المال ده بتاعه :: مع انه مش بتاعه ده بتاع الدوله ::
مثال ع ذلك :: الممرض الذى يهم من باب المستشفى حاملا فى يديه لفافتين تحتويان ع بعض الادوات والمهمات الطبيه !! ايه خلاص يطلع بيهم بره المستشفى يبقى كده ده شخص بيختلس مال عام ::
رد المال المختلس ؟؟ هل بعد ما اختلست الشىء ورجعت ارده كده اتعفى من العقاب :: قالك لا يقبل من الموظف بعد اختلاسه لللمال العام :: ان يحتج بأنه رده :: ولا يقبل ايضا ان يدعى الموظف انه اودع مال لحساب الدوله عند تعيينه كموظف يكفى لسد العجز الذى يترتب ع الاختلاس ::
فمجرد ان يأخذ الشىء ويتصرف كأنه مالكه :: يقع فعل االاختلاس حتى لو قام برده بعد ذلك
السؤال اللى بيتسألأ دايما ف الامتحان والقضايا : هل فعل الاختلاس :: يقع ف التصرف وتملك الشىء ولا كفايا انه يكون بينتفع بيه ::
ذهبت اراء :: الرأى الاول بيقول :: متعاقبش الموظف ع جريمه اختلاس :: لو كان نيته الانتفاع بالشىء فقط :: زى اللى بيستخدم سياره حكومه مسلمه اليه بسبب وظيفته ف قضاء مصالحه الخاصه :: فقالك هنا هو بينتفع بيها بس متحاسبهوش
الرأى التانى :: بيقولك لو السائف استخدم او استعمل العربيه دى :: ف غير العمل الرسمى فاللى جواها ده بنزين الحكومه فيعد مختلسا للبنزين
الرأى التالت :: بيقول لو المنفعه بتاعته ضرت الحكومه يبقى اختلاس :: مضرتش يبقى مش اختلاس
رأى الدكتور :: مجرد استعمال او الانتفاع بالشىء دون تملكه ::يقع ف حقه جريمه اختلاس ::
فالموظف الذى اعتاد ع استعمال سيارات الحكومه ف غير مواعيد العمل ولغايات شخصيه :: يعد مختلسا ::
مدى معااقبه الشروع ف الاختلاس ؟ هل فى شروع ف جريمه الاختلاس :: ذهبت اراء برده
رأى بيقول ان الفقه بيقول لا يتصور وقوع الشروع ف الاختلاس :: لان الاختلاس بيتحقق لو اتجهت النيه من تحويل الحيازه من ناقصه لكامله :: فمن الاخر يأما ف اختلاس يأما مفيش :: لا يوجد ما يسمى بالشروع
الرأى التانى :: بيقول يمكن ان نعاقب ع شروع ف اختلاس المال العام :: زى امين مخزن حكومه اتفق مع ناس يحضروا سياره علشان يحملوا عليها بضائع ف عهدته فضبط قبل ما يحملها :: ده شروع ف اختلاس
رأي الدكتور :: بيقول ان ف شروووع :::
ده كده اول عنصر ف الركن الماااادى ::
العنصر التاانى ف الركن المادى :: محل الاختلاس
لابد ان يكون محل الاختللاس منقووولا :: مينفعش اللى بيختلس يختلس عقاار مملوك للدوله امر لا يتصوور بصراحه :: لكن ممكن يكون محل الاختلاس عقاارا بالتخصيص ودى خدناها ف سنه اولى
وخلى بالك ممكن الاختلاس يبقى حاجه ليها قيمه ماديه او حتى مجرد قيمه ادبيه :: زى اختلاس روايات خاصه بمكتبه حكوميه :: او كتب قانونيه خاصه بالتعليم وهكذا
وممكن الاختلاس يبقى ع حاجات مشروعه او غير مسروععه :: زى المواد المخدره
العنصر التالته ف الركن المادى :: حيازه المال المختلس بسبب الوظيفه
خلى بالك علشان تقوم جريمه اختلاس المال العام قانونيا :: لابد ان يختلس الموظف المال الخاص بالاداره :: ولازم يبقى موجوده ف حيازته بسبب وظيفته :: لكن لو المال ده جاله بمناااااااسبه وظيفته ده حوار تانى ومش جريمه اختلاس :: لان ف فرق بين انه ف حيازتك بسبب وظيفتك :: وانه ف حيازتك بمنااسبه وظيفتك
ف حيازتك بسبب وظيفتك ياعنى ده كان اختصاصك فعلشان كده معاك الحاجه دى وحائزها حيازه ناقصه :: فحولتها لحيازه كامله فتقع الجريمه
اما بمناسبه وظيفتك ياعنى انت اصلا مكنتش حائز ع هذا الشىء :: لكن جالك علشان وظيفتك اللى انت شغالها ::
الررررركن المعنووووى ::
جريمه اختلاس المال العاام هى جريمه عمديه بتقول ع القصد الجنائى ويتطلب القصد :: العلم والاراده
العلم :: ان يكون الموظف العام عارف وعالم بكافه العناصر اللى بتتكون منها هذه الجريمه
والاراده ان يكون سلوكه الاجرامى اراديا ياعنى مش مغصووب عليه :: ياعنى كان ف عهدته وعنده اراده انه يحول الحيازه الناقصه لكامله
انتهى ليالى الامتحان وبس :: اى حاجه مش مفهومه نفهمهالك بكل الطرق

ليست هناك تعليقات:

إرسال تعليق

keyboard_arrow_up

جميع الحقوق محفوظة © ليالى الامتحان

close

أكتب كلمة البحث...