الشرررررررررررح البلدى ::
الموضوع الاول .. الالتزززام الطبيعى ..
ايه هو اصلا الالتزززام ..
الالتزام ده ياشباب رابطه بين شخصين .. واحد فيهم دائن والتاانى مدين .. والدائن طبيعى ليه حق يطالب المدين بالالتزام اللى عليه .. اذا كان اداء خدمه معينه .. او اداء عمل .. او الامتناع عن عمل ..
والالتززام عندنا اتنين .. التززام طبيعى .. والتززام مدنى ..
الالتزززام المدنى .. بكل بساطه .. الالتزام ده بيبقى ع المدييين .. وبنسيب فرصه للدائن ينفذه اختيارا .. منفذهووش .. فممكن الدائن يجببببببببببببره ع التنفيذ .. وعلشان كده بنقول ان الالتززام المدنى بيتووافر ع عنصرين مهمين .. اولا عنصر المديونيه .. ثانيا عنصر المسؤووليه ( القهر والجبر )
اما الالتزززام الطبيعى فبكل بساطه برده .. ده التززام برده بيبقى ع مديين .. بس الالتزززام ده القضاء حددده وقالنا . ان الالتززام ده بيتوافر فيه عنصر واحد بس المديونيه .. ياعنى ف علاقه مديونيه .. بس مفيش مسئووليه ياعنى مفيش جبر ع الشخص لتنفيذه
مثال .. الاب اللى بيجهز بنته !! هل ده مجبر ع ذلك قالك لاء .. ياعنى من الاخر انت لو عندك بنت .. الاخلاق بتقول انك تجهزها .. لكن لو مجهزتهاش تجبرك ع التنفيذ تروح تشتكى ليك ف المحكمه مثلا .. لاء طبعا .. لان هنا الالتزام اللى ع الاب التززام طبيعى .. ياعنى اخلاقى .. ياعنى لو الاب منفذش محدش يقدر يجبره ع التنفيذ
لكن انا لو عليا وصل امانه مثلا .. فده التزام مدنى .. فلو موفتش بيه .. فيجوز ان انا اجبر ع تنفيذه
اثــار الالتززززام الطبيعي ::
السؤال هنا ع يستطيع المدين الذى وفى بألتزام طبيعى .. ان يستر ما اوفااه
لو جتلك ف قضيه هتقاارن
لو المدين كان عارف ان ده التززام طبيعى .. وعن بينه واختيااار .. فلا يجوز ان يسترد ما اوفااه .. لان وفى بيه وهو عالم انه التزام اخلاقى .. زى الاب وبنته لما راح جهزها علشان الجواز .. هو هنا محدش اجبره وبالرغم من ذلك راح جهزها .. مينفعش بعد ما يوفى بألتزامه عن بينه واختيار انه يرجع ف كلامه :]
اما لو وقع الشخص ف غلط او تدليس وكان فاكر ان اللى بيوفى بيه ده التزام مدنى .. بس طلع ف الاخر التزام طبيعى .. فمن حق الشخص ان يسترد ما اوفاه لانه وقع ف غلط او تدليس
ملحووظه .. الالتززام الطبيعى مينفعش يبقى مخااالف للنظاااام العامم ..
ياعنى مينفعش جماعه ارهاابيه مثلا تصرف ع حد او تنفق عليه بداعى انها بتعمل التزام طبيعى ..
لان الجماعه الارهابيه حاجه مخالفه للنظام العام ..
انتهى الالتززام الطبيعى
اصــل الشرح وغير كده متابعش وانت عارف


............

الموضوع التااانى :: تكلم عن التنفيذ الجبري (صيغه اخري :: شروط التنفيذ العيني ))
بيقولك ان ف شخصين واحد يسمى دائن والتانى يسمى مدين
الدائن عايز حاجه من المديين ::: ياعنى المدين مملتزم بتنفيذ التزززام معيين :: وليكن عمل معين او فلوس مثلا اى كان المهم انه مدييين :: فلو قام المدييين بالتنفيذ فخلاص كده برأت ذمته والدنيا زى الفل ::
لكن لو المدين تأخر عن تنفيذ التززامه او رفض تنفيذ التزاامه فمن حق الداااااااائن ان يرفع دعوه التنفيذ العينى يجبر فيها المدين على تنففيذ التزززامه ::
ولكن لابد من توافر شروط معينه
الشرط الاول :: ان يكون التفنيذ العينى ممكنا ::
ومعنى التنفيذ العينى ممكنا :: ياعنى يكون المدييين قادر ينفذ التزززامه ويوفى بيه :: هتقولى ليه :: هو المدين ممكن ميقدرش هقوولك اه
ممكن يكون فى استحاااله تنفيذ :: ياعنى المدين ممكن ميعرفش ينفذ التزامه بسبب استحاااله ::
والاستحاله نوعيين :: استحاله بخطأ من المدييين :: واستحاله بقوه قاهره
فلو المدين عليه التززام مثلا بنقل بضاعه معييينه ولكن هلكت هذه البضاعه بسبب قوه قاهره زلزال فيضان اى حاجه فهنا الالتزززام ينقضى ومش من حق الدائن يطالب المدين بأى شىء لان القوه القاهره تجعل الالتزام منقضى :: لانه لا دخل فيه لاراده المدين
اما الاستحاله التى ترجع لخطأ المدين زى المحامى اللى بيتعهد لرفع طعن بالاستئناف :: ياعنى عليه التزام انه يرفع لشخص طعن بالاستئنااف وانتوا عارفن ان ميعاد رفع دعوى الاستئناف 60 يووم :: فالمحاامى اللى هو المدين هنا اهمل ف رفع الدعوى فعدى ميعاد الاستئناف :: وبعد ميعاد الاسئناف انتوا عارف مينفعش نطعن فهنا ف استحاااله لتنفيذ الالتززااام :: بس المره دى بخطأ من المدييين فيطالبه الدائن بالتعويض وليس التنفيذ
الشرط التااانى :: الا يكون التنفيذ مرهقا على المدين
بيقولك ان ممكن التنفيذ يبقى مممكنا :: بس لو اتنفذ ممكن يكون مرهق ع المديييين :: بسبب مثلا صعوووبات شديد ممكن تسبب خسائر فادحه (ياعنى كبيره ) للمدين لو تم التنفيذ فى هذه الحااله ممكن القاضى يحكم بأن المدييين بدل ما يتم اجباره ع التنفيذ انه يدفع تعويض للدائن
ولكن لو عدم التنفيذ فيه اضرار كبير للدائن :: طلب القاضى من المدين التنفيذ
الشرط التالت :: الا يكون التنفيذ فيه مساسا بحقوق المدين الشخصيه
بصوا ممكن يبقى المدين التنفيذ تباعه ممكنا ومفيهوش اى ارهااق :: بس ممكن يرفض التنفيذ بسبب ان الحاجه اللى هينفذها دى مثلا فيها مساس بحقوقه الادبيه والشخصييه مثلا زى المؤلف :: مينفعش تجبره انه يألف حاجه وينزلها :: لان دى حقوق ملكيه فكريه :: لكن ممكن الدائن يجبره ع دفع تعوويض لكن ميقدرش يجبره ع التنفيذ العينى (جبرا ياعنى )
الشرط الرابع :: ان يقوم الدائن باعذار المدييين
لازم الدائن اصلا يعذر المديين قبل ما ينفذ تنفيذ عينى ::
ياعنى ينبهه انه تأخر فى تنفيذ التزززامه
((((قولى ايه مقريفك :: الزوقه شكله مكيفك

الموضوع التاالت (( الاعــذار ))
الاعذااار :: تكلم عن تعريف الاعذار وكيف يتم ؟
بصوا اشباب اتفقنا :: علشان اصلا الدائن يقوم بالتنفيذ العيينى :: لازم يعذر المييين ::
ولكن ما هو الاعذار اصلا ::
الاعذار هو ان يضع الداائن المديين موضع المتأخر ف تنفيذ اللالتزام :: ياعنى بخلى منظره زباله :D
بس ازاى بيتم الاعذاااااااااااااار اصلا
الاعذار فى الاصل بيتم بووورقه رسميييه ع يد محضر يبلغ بها الدائن المديين
الاعذار ممكن يتم بطريقه اخرى تشبه الاوراق الرسمييه :: زى تكليف الحضوور مثلا ::
بس خلى بالكم ياعيال :: لا جوابات ولا مكالمات ولا تسجيلات صوتيه تصلح للاعذار :: لازم الطريقه الرسميه
بس خلى بالك اكللام ده بيبقى متااح ف العرف التجارى ياعنى بين التجار يصلح الجوابات والخطابات :: لكن ف القانون المدنى لا يصلح الحاجات دى لوسيله للاعذار
طيب هل فى حالات اعفااء من الاعذااااار ؟؟
اه فى حالات لا ضروره فيها للاعذااار
فى نوعييين من حالات الاعفاااء ::
1- حالات اتفاااقيه :: ممكن الدائن والمدييين يتفقوا فى العقققققد ان لو اخل المدين فى تنفيذ التزززامه كان هذا بمثاااابه اعذااار ياعنى بمجرد بس المدين ما يجي الاجل وميوفيش بألتزاماته اعتبر هنا تم اعذاره :: وده لو اتفقووووا
2- الحالات القاااااانونيه :: ف حالات نص عليها القانووون لا ضروره اصلا فيها للاعذار ودى بقوه القانون ::
أ- ان يكون المدييين صرررررح كتااابه انه مش هيووفى بألتزززاه :: هنا الاعذااار لا يكون ملزما للدائن :: لان واحد بيقولك :: ياض انا مش هسدد :: هتروح تنبهه او تعذره وتقوله سدد :: هو بنفسه صرح كتابه انه مش هينفذ ::
ب- لو كان الاعذاار غير مجديييا :: بدون فاائده ياعنى مثلا لو كان المديين تنفيييذ التزززامه تنفيييذ مستحيييييل استحاله مطلقه :: زى المحامى اللى اهمل رفع دعوي الاستئنااااف بعد مرور 60 يوم !! هنا مش لازم اعذذذره لان لو حتى اعذرته ايه الفااايده مش هيعرف ينفذ :: فهنا حاله لا جدوي ولا فائده منها
ج- أذا كان تنفيذ الالتززززام يتعلق اصلا بعمل غير مشرووع فلا يجب الاعذااار :: لان اصلا العمل الملتزم به المديين غير مشرووع فهنا مينفعش اصلا الاعذار
د- لو كااان محل الالتزززام اى موضوعه :: ان المدين يرد شىء سررقه !! هل ينفع اعذره اقوله بعد اذنك ياكابتن هات الحاجات المسرووقه :: اكيد مينفعش اقول للحرامه بعد اذنك رد الشىء :: هنا الاعذاااار غير ضروري اصلا
اى خدمه :: حرك شفايفك علشان مبقتش شايفك
......................
الموضوع الراااااابع (الدعوووى الغير مباااشره ) اللى جي بكرررره :D منشن لحقوق كلها علشان مش بيفهمووه
بصوا بقى اشباب .. اولا التعرريف
الدعوى دى تعنى ان المدييين يهمل ف استعماال حق من حقوقه .. فيستطيع الدااائن المطاالبه بهذا الحق بالنيابه عن المدين .. بهدف الحفااظ ع اموال المدين التى هى ضمان عام للدائنين
مش فاهم . بص ياحج انا عايز فلوس من احمد .. فأنا بقيت دائن واحمد مدييين .. فالوااد احمد ده قااااعد فى شقه بقاله 15 سنه ومطلبش انه يكسبها بالتقاادم الطويل .. فأنا اسكت بقى لاء :: ليا حق اروح ارفع دعوي اطالب ان احمد يااااخد الشقه دى :: هتقولي هتستفاد هقولك ده ضمااان عام للدين بتاعى :D
اشطه :*
شرووووووط لدعووى الغير مباااشره ..
1-شرووط راجعه للدائن
2-شروط راجعه للمدين
3-شروط راجعه للحق
1- الشرووط الراجعه للدائن ..
أ-لكى يطالب الدائن بالدعوى الغير مباشره اصلا لازم وجووووووود الدين .. لان اصل هو لو مش عايز فلوس من المديين مكنش حل محله ف استخدام حقه .. فأول شرط اهو .. لازم وجود الدين >>> وخلى بالك مش لازم الديين يبقى مستحق الاداء دلوووقتى .. المهم ان ليا دين ثابت
ب- يجب ان يكون للدائن مصلحه فى استعماال حقوق مدييينه :: ياعنى لازم ان يبقى ليا مصلحه لو استعملت حقوقه :: لان مثلا لو المدييين موجود ف ذمته اموووال كافيه للوفاء بديووونه :: فمش من حق اى دائن يستخدم اى حقوق لللمدين طالما الضمان العام كافى
2-الشرووط الراجعه للمدين ..
أ- ان يكون المديين قد اهمل فى استعمااال حقه او تقااعس كسل ياعنى
ب- وان يكون التقاعس ده بتاع المدييين وعدم استخدامه لحقه سبب ضرر للدائن ياعنى خلى المدييين بقى معسسسر او زااد اعسااااره
ج- المدييين هنا بقى خصمممما فى الدعوووي الغير مباشره :: لان اصلا الدعوي بتترفع نياابه عنه
3-شرووط راجعه للحق ..
لا يجوز ان يستخدم الدائن الحقوق الشخصيه المتصله بالمدين .. مثال (دين النفقه)
ياعنى مثلا لو انا عايز من واحده فلوس .. والواحده دى ليها فلوس عند جوزها (نفقه مصروفات وهكذا)
فمينفعش انا احل محلها واطالب بالنفقه من زوجها .. لان هنا الدين .. دى شخصى او الحق امر متعلق بالشخص .. فلا يجوز ذلك ..
اثاار الدعوى الغير مبااشره ..
اولا :: بالنسبه للدائن .. . ثانيا بالنسبه للمدين
اولا بالنسبه للدائن .. الدائن يحل محل المدين بأعتباره نائبا قانونيه ..
كل فائدده تعود من استعمال الحق من طرف الدائن تدخل ف امووال المدين وبتبقــى ضمان عام للدائنين ..
ثانيا :: بالنسبه للمدين ..
المدين يظل محتفظا بحقه لان الدعوى الغير مباشره لا تغل يد المدين
ومعني لا تغل يد المديين :: ياعنى برده لو اترفعت دعوي غير مبااشره ممكن يتصرف فى عقاراته يبيعيها :: لان دى مبتقيدووش :: بس ممكن ساعتها انا ارفع دعوي تانيه اسمها دعوي عدم نفااذ تصرف (البوليصيه )
بالشفااا
..............................
المــوضوع الخاامس ( ملخص بسهوله ) الدعوووي البووليصيه (دعوي عدم نفااذ التصرف )
الدعووووى البوليصيه ::
الدعوى دى بتتسمى بأسم تانى :: وهى دعوى عدم نفاذ التصرف :: ودى ياشباب الدائن بيرفعها ع المديين :: لان المدييين قامت بالتصرف فى شىء :: هذا الشىء داخلللللا ف الضماان العام
ياعنى انا دائن :: وحضراتكم مدينين :: فأنا مداينكم واللى مخلينى مطمن ان انتوا عندكم عقارات ومنقولات داخله ف الضمان العام :: علشان يوم لما متسدوش فلوسكم انا اقدر احجز ع هذه العقارات والمنقول واخد حقى
فأنتوا بقى عايزين تتطلعوا اصيع منى :: فعايزين تتصرفى فى الشىء ده علشان يخرررج من الضماان العام
لكن انا علشان اصيع منكم بمررراحل :: رفعت دعوى تسمى الدعوى البوليصيه ويقصد بها عدم نفااذ تصرف المدين :: ياعنى انتوا حتى لو بعتوا الحاجه دى :: فلن يكون هذا التصرف ناااافذا :: علشان هدف الدائن هنا انه يعمل عدم نفاذ التصرف لحماايه الضماان العام
بيقولك علشان ترفع الدعوى البوليصيه :: لابد من توووافر شروط
1- ان يكون هنااك ديين ثااابت حقيقا :: يتاعنى يكون الدائن اصلا ليه فلوس عن المدين اللى قام بالتصرف ف الشىء
2- ان يكون الدين سااابق ع التصرف :: ياعنى لازم اصلا يكون فيه دين بين دائن ومدين :: وهذا الدين موجود قبل ما المدين يتصرررف ::
لان لو مفيش اصلا دين :: فخلاص الشخص يتصرف ف حاجته برحته :: لكن هنا علشان ف دين :: والدين ده قبل التصرف :: فأجاز المشرع ان الدائن يرفع الدعوى دى ع المدين لعدم نفاااذ تصرفه ::
وخلى بالك من نقطه مهمه :: ان الدائن اللى بيطعن وبيرفع البوليصيه لا يأخذ لوحده الشىء ده :: لان ده يعد ضمانا هاما لكل الدائنين :: فليهم ان يرفعوا دعوى تسمى قسمه الغرماااء
ملحوظه تانيه مهمه الدكتوره قالتها :: لا يجوز لكل الدائنين ان يرفعوا الدعوى البوليصيه ::
............................................................
المـــوضوع الســادس :: منشن لصحاابكم :: وشاركوا ومنشن علشان منمش :D
المــــــــــــــقـــاصه ؟
المقاصه دي بين شخصييين كل واحد فيهم دائن ومدين للاخر
ياعني انا محمد وواحد اسمه خالد
انا عايز منه خمسين جنييه وهو برده عايز مني خمسين جنيه
طيب ما نتعمل مقاصه ديوون واللي ليك واللي ليا يروحوا مع بعض زي المقص كده
قالي طيب عشان ده يتحقق لابد من توافر شروطط
(اذا شرووط المقااصه القانونيه ))
١-ان يوجد دينان متقابلان
ومعني ذلك ان يكون هناك شخصان كل منهما دائن ومدييين للاخر فكذه يقدروا يعملوا المقاصه
٢-ان يكون الدينان مبلغ من النقوود او مثليات
لو عايزين تعملوا مقاصه لازم يكون الدينان عباره عن نقوود او مثليات
وخلي بالك المثليات لازم تبقي شبه بعض ف النوع والجوده ياعني نقود ونقود ..رز ورز ..تفاح وتفاح
بكن مينفعش تعمل مقاصه بين قمح وقطن لان مختلفين ف القيمه
٣-ان يكون الدينان خاليين من النزااع
ياعني الدين اللي ليا والدين عليا يكونوا مفهمش نزاع ولا عليهم اي مشااكل ياعنى ميخشش طرف تالت يكون عايز منى فلوس برده ::
٤-ان يكون الدينان ممن يجوز المطالبه بهم قضائيا
ياعني مينفعش اعمل مقاصه بين التزام ظبيعي والتزام مدني
لان الالتزام الطبيعي لا يجوز المطالبه به قضائيا لانه التززام غير مجبر الشخص على تنفيذه
٥-ان يكون الدينان مستحقين الاداء
ميكونش دين فيهم متوقف ع شررررط او واحد مؤجــل :: وواحد تاانى مستحق الاداء :: يأما الاتنين مستحقين :: يأما الاتنين مؤجلين
٦-ان يكون الدينان قابلين للحجز عليهم
لان ف بعض الديون غير قابله للحجز عليها زي دين النفقه لان من ضمن الديوون الشخصيه
.....................................
المــــوضوع الســابع ((مشكله حقوق كلها ))
حـــــــــواله الحــق ((جى بكره بعون الرحمن ))
بص الاول قبل ما نخش ع الاسئله لازم تعرف
ان ف واحد عايز من واحد فلوس :: وليكن محمد عايز فلوس من احمد :: فمحمد دائن :: وكده احمد مدييين :: فروحت انا بقى كمحمد حووولت حقى اللى انا عايزه من احمد :: روحت محول الحق ده لمؤمن ::
يبقى كده محمد ده دائن قديم :: ومؤمن ده بقى دائن جديد :: واحمد ده مدييين
فكده لو هنحول الاسامي للسؤال :: محمد ده محيييل (لان حول حقه ) :: ومؤمن ده (محال له ) لان هو اللى اخد الحق :: واحمد ده (محيل عليه )
يلا ناااخد السؤالين المهمين اووى
تكلم عن الشرووووط المتعلقه بانعقــاد ححووواله الحق ::
لابد من توافر شرووط لكى ينعقد عقد الحووال
أولا :: الرضا فى حواله الحق ::
ده عقد اسمه حووواله بيتم بين شخصين بس :: المحيل والمحال له :: ياعنى دائن قديم ودائن جديد :: وهنااا مش شرط رضاا المدييييين المحال عليه :: لانه اصلا مش هيفرق معاه يسد لميييين :: المهم يسد دينه وخلاص ::
وخلى بالك حواله الحق ده عقد رضائى ياعنى مش لازم شكل معين لانعقاده
ثانيــا :: محل حوواله الحق ::
هل المحيل (الدائن القديم ) ينفع يحول كل الحقوق اللى عايزها من المدين :: للمحال له (الدائن الجديد )
قالك اه الحووووواله كأصل عاام جاائزه وتجوز الحوواله ع كل الحقوق :: فممكن احول حق كألتزام بعمل :: ياعنى لو المدين انا ملزمه يبنى عماره :: فممكن انا ادى الحق ده لواحد تانى :: وبالتالى لازم برده المدين ييسلم العماره للدائن الجديد :: وممكن يكون الالتززام مبلغ نقدى
ولكن ده كأصل عااام :: وكل اصل عليه استثناء :: ممكن الحواله متبقاش جائزه ف تلت حالات
1- لو وجد نص من القانون بيمنع حواله بعض الحقوق :: زى حق النفقه كده ::
2- وجود اتفاق بين الدائن والمدين على منع الحوواله ::
3- لو كان شخصيه من يقوم بالعمل محل اعتباار :: ياعنى مثلا مينفعش احول حقى فى شركه تضاامن :: لان شركات التضامن مينفعش تحول فيها حقك :: لانك محل اعتبااار ::
ده السؤاال الاول :: من الحوواله
السؤال التاانى من الحووووواله ::
تكلم عن شروط نفااذ الحوواله بالنسبه للمدين ؟
ااحنا عارفين ان الحوواله بتنعقد بين دائن قديم (اصلى ياعنى محيل ) والدائن الجديد (المحال له ) ودون رضاء المدييين :: بس علشان تبقى ناافذه فى حق المدين لازم يكون على علم بهاااا وده يتحقق عن طريق
أولا :: القــبول :: لازم ان يعلم المدين بالحووال ويقبلها ومش معنى القبول هنا انه يوافق :: القبول هنا يعنى عرف المدين بالحوواله :: وبلتزم المدين بها بمجرد اعلللانه بوقوعها
ثانيا :: الاعلللان (أعلان الحواله )
يتم الاعلان عن الحوواله باجراء رسسمى عن طريق ورقه من اوراق المحضررين تتضمن وقوع الحووواله والاعلان دهع ممكن ورقه رسميه او عرفيه :: او ما يقوم مقامها
ثالثا :: علم المدين بالحووواله
لازم المديين يبقى عااالم :: علما فعليااا للحواله :: ياعنى لا يكفى لنفااذ الحواله فى حق المديين :: العلم الفعلى :: لازم يبقى ف علم قانووووووونى ::
لان المدين ممكن يتمسك بعدم نفااذ الحواله فى حقه لعدم اعلانه بها :: حتى لو كان فعليا يعرف : ياعنى لو انا قاعد فى قعده بتم بين الدائن قديم وجديد وهما بيكتبوا الحوواله :: قالك ليا حق اتمسك لو طالبنى المحال له بالديين :: اقوله لاء مش هسدد مع انى كنت قاعد :: قالك طالما الاعلان مكنش رسمييي ومتمش اعلانى قانونى ليا حق ارفض ان اسد
اى خدمه
...................................................
المـــوضوع التــامن ::
هل يجوز تعديل الشرط الجززائي بالزياده او النقصان او الاعفااء (( صيغه اخري تكلم عن التعوويض الاتفااقى ))
الشرط الجزاائى ده مبلغ بيتفق عليه المتعاقــدين فى العقــد :: لو حد اخل بألتززامه :: بيدفع الشرط الجزاائى
واجاز المشرررع للقاضى اعفااء المدين او تخفيض الشرط الجزائى او زيااادته
أولا :: الاعفاااء من الشرط الجززائي
يجوز اعفاء المدين من الشرط الجزائي اذا اثبببببت المدين ان الداااائن لم يلحقه اى ضرر نهائيا نتيجه عدم تنفيذ الالتزززام
ثانيييا :: تخفيض الشرط الجزائى
يجوز تخفيض الشرط الجزاائى فى حالتين
الحاااله الاولــي :: اذا ثبت المديين ان الالتزززام اللى كان عليه قد تم تنفيذ جزء منه :: وجزء فقط هو المتبقى :: ياعنى نفذ الالتزام بتاعه تنفيييذ جززئيا :: وف الحاله ده يجوز للقاضي انه يخفض الشرط الجزائي ((الحته دى مهمه اوى ف القضايا ))
الحاله التااانيه :: اذا ثبت ان التعوويض المتفق عليه فى العققققد كااان فاحشـــا الى درجه كبيييييره جدا جدا :: وف الحاله دي يجوز للقاضى انه يخفض
ثالثا :: زيااده الشرررط الجزاائي ::
ف حالتين برده يجوز للقاضى ان يقوم بتزوييد الشرط الجزائي ::
الحاله الاولى :: لو كان الشرط الجزاااائى المذكوور فى العققد على درررجه كبيره جدا من التفاهه :: ياعنى القاضى شاف ان المبلغ تافه ومحطوط كأنه بيعفى المدييين من المسئوووليه :: جاز هنا للقاضى ان يزود الشرط الجزاائي
الحاله التااانيه :: لو اثبت الداااائن ان المدييييين اخل بألتزامه وارتكب غشااا وكان عدم التنفيذ مضراا ضرر جسيم بالداائن :: وجب على القاضى ان يزود الشرط الجزائى ويجعله مساااااوى للضرر
اى خدمه :: اول ما نبدأ ننشرح :: الكل بيبقى هنا :: من محب ومن كاره :: ومن حاسد :: فنخدم الجميع .
.............................................
الموضووع التتاااسع:: ولو ملقتش اقبال اسف عندى كورس بدري فهنام
(( تعريف الاجل وانوواعه وشروطه ))
اولا التعريف :: ياعنى ايه اجل :: هو امرر محقق الوقوع :: ياعنى امر هيحصل وهيجي فيترتب عليه اما نفاذ الالتززام يأما انقضااء الالتزززام
انوووواعه ::
الاجل الووواقف :: ده اللى بيترتب عليه نفااذ الاالتزززام :: ولو لسه الاجل مجاش يبقى اداء الالتززام غير مستحق :: مثال :: لو شخص اقترض من بنك مبلغ من المال :: واتفق انه يسدد بعد مضى سنه :: هنا الدائن اللى هو البنك ملهوش يطالب بالفلوس قبل حلول الاجل
الاجل الفااسخ :: وده بيترتب عليه عند حلول الاجل :: ينتهي الالتززام :: زى عقد الايجاار اللى بينهى لما بتنتهي مدته :: فبنتفق ان عقد الايجار خمس شهور :: يبقى لو خلصوا الخمس شهور :: يبقى الاجل جه وانقضى العقد
بس خلى بالك :: الاجل ده :: ممكن يبقى اجل اتفاقى :: وقانونى :: وقضائى
أ-الاجل الانفااقى :: ده اللى مصدره المتعااقدين والاتفااق :: مثلا فى عقد المقاوله بيتفق الشخص مع المقاول انه يسلمله العقار بعد وقت معيييين :: يبقى كده اتفق الدائن والمدين على الميعااد
ب- الاجل القااانونى :: ده اللى القانون بيتكفل بتحديده :: زى الاجل القانوني (ألوصيه ) :: لان انتوا عارفين الوصيه مش هينفع تتنفذ الى بعد مووت الموووصى
ج- الاجل القضاائى :: هو ان ينظر القاضى للمدين نظره رحمه :: فيروح القاضى مديله ميعااد جديد يسد فيه الدييين :
مقوووومااات الشرط __ شرووووطه ::
1-لازم يكون الاجل امرر مستقبل :: لان لو امر حصل اصلا فده ميبقاش اجل
2- ان يكون الاجل محدد بتااريخ معييين ::
3- ان يكون الاجل امرر عاارض :: ياعنى الاجل اصلا مش حاجه جوهريه دايما فى العقوود ::
اهممم جزء فى السؤال ((انقضاء الاجل ))
ينقضى الاجل :: ف حالات تلاته
اولا :: حلول الاجل :: اكيد بحلول التاااريخ المحدد :: ينتهى هنا الاجل وينقضى ::
ولكن نتساائل افرض الشخص المدين اللى كان ملتزم بسداد مثلا دين بعد شهر :: مات قبل الشهر ما يجى :: قالك ف الحاله دى مع مووته ليا حق اطالب بالحق من الوورثه دون انتظاار الميعاد بقى او الاجل
ثانيا :: النزوول ::
الاجل برده ينقضى :: لو شخص عليه فلوس بعد شهر :: وجه دفعها بعد عشر ايام :: خلاص يبقى الشخص ده اتنازل عن حقه فى انتظار الاجل وسده قبليها :: كتر خيره
ثالثا :: سقوووط الاجل ((((جى بعون الله ))
يسقط الاجل :: ومننتظرش الميعااد ونطالب بالحق عالطوول قبل ما يجي الميعااد فى حالات
1- الاعسار والافلاس :: لو المديييين اعلن افلاااسسسسه :: حتى لو لسه الاجل مجااش :: حق الدائن يطلب بيه فوورا لان مفيش بعد افلاس المديين خلاص
2- اضعاف التأمينات الخاصه التى قدمها المدين
ياعنى لو كان المدين حاطط ضمان عام مثلا سيااره ضمانا لحق الداائن
بس السيااره هلكت :: يبقى كده التأمينات ضعفت :: فالحاله دى حق الدائن يلجأ على المدين قبل حلول الاجل :: يأما يقدم تأمين جديد يضمن حق الدائن
3- عدم قيام المدين بتقديم ما وعد به من تأمينات خااصه
فى الحاله دى طالما المدين كان المفروض يقدم تأمين اضافى ومقدمش :: حق الدائن يلجأ عليه بالدين فورا دون انتظار الاجل
اى خدمه كل حرف ع السؤال اللى هيجي بكره بعون الله
...............................................................
المــوضوع العااشر مهم جدا (( الشــرط ومقوماته ))
شروط الشرط
أولا :: لازم ان يكون الشررط امرا مستقبلا ::
لازم الشرط اللى هيتحط يكون امر هيحصل فى المستقبل :: لان مثلا لو قولت لواحد في سنه تانيه حقوق :: لو نجحت فى اولى حقوق هديك عربيه ؟!! طيب ما كده امر مش فى المستقبل ده امر حصلللل اصلا :: فعلشان كده لازم الشرط يكوون امر مستقبليا :: زى لو نجحت فى رابعه حقوق هديلك عربيه ::
ثانيا :: يجب ان يكون الشرررط امرر غير محقق الوووقوع
ومعنى ذلك :: لو كانت الوواقعه مؤكده التحقق زى المووت مثلا :: فدى تتسمى اجل مش شرط :: لان الشرط حاجه اصلا غير محققه الووقوع :: زى لو نجحت فى الماده :: ممكن تنجح وممكن متنجحش امر غير محقق الوقوع
طب ع مثال الموت :: لو قولتلكم لو مات جدي هدييك 100 جنيه :: ده اجل مش شرط :: لان كده كده اكيد جدى هيجيله يوم ويموت
لكن لو قولت لو مات جدي كمان يومين هديك 100 جنيه هنااا اتحول من اجل لشرط :: لان ممكن جدي يموت خلال يومين وممكن اليومين يعدوا وميموتش
ثالثااا :: يجب ان يكون الشرط امرررا ممكن الوووقوع ::
ممكن ياعنى ينفع يحدث :: ليس امررا مستحيل مثلا استحااله مطلقه :: لان لو امر مستحيل حدووثه :: زى مثلا اقولك لو نجحت هديك قطعه من الشمس ده امر مستحيييل اصلا يحصل ::
رابعا :: يجب ان يكون الشرط امررر مشرووعا ::
ياعنى لازم الشرط اللى يتحط يبقى حاجه مشرووعه :: فمينفعش اقول لواحد هديك ميه جنييه لو قتلت ابووك :: انت كده بتحط شرط غير مشرووع
او مثلا تقول لواحده بتقوم معاها بعلاقه غير مشروعه تقولها :: طول ما العلاقه مستمره هديكي 100 جنيه :: ده شرط برده غير مشرووع
خااامسا :: الا يكوون الشرط متوقف على محض اراده المديييين
ياعنى مثلا لو قولتلك وانا مثلا مدرس لغه انجليزي بتاعتك :: وقوللتك لو نجحتى فى مادتي هديك مليون جنيه !! هنا مينفعش يبقى شرط عارفين ليه !! لان انا المدرس ممكن انجحه وممكن منجحوش هنا الامر توقف على ارادتى انا
:::::::::::::::::::::::::::::::::::::::::::::::::
اثااار الشرط الواقف اثناء مرحله التعليق ؟ سؤال تانى بس تبع الشرط ومهم جدا
1-لا يجوز للدائن مثلا اثناء فتره التعليق على شرط :: ان يباشر اى اجراء من اجراءات التنفيذ فى مواجهه المدين :: ياعنى مثلا لو قوللتك لو نجحت هديك عربيه :: انت لسه منجحتش :: فمينفعش تطالبنى بألتزامى
2- لو اعتقد المدين انه ملزم بهذا الدين :: وكان فاكر ان ده امر ملزم بيه :: فله ان يسترد ما وفاه
3- مينفعش الدائن يتمسك بالمقاصه فى مواجهه المدييين :: ياعنى مينفعش اقول لابنى لو نجحت هديك عربيه :: وانا ابقى عايز من ابنى مثلا فلوس من قبل كده :: فيقولى نعمل مقاصه :: مينفعش نعمل مقاصه اصلا :: لان ابنى لسه منجحش :: لكن انا دينى مستحق الاداء فينفع اخده من الابن ::
4- ليس للدائن ان يباشر الدعوي البوليصيه هنا :: مينفعش مثلا انا اقول لابنى لو نجحت هديك عربيه :: فهو لسه منجحش روحت انا متصرف مثلا ف العربيه الابن مينفعش يرفع دعوي عدم نفاذ تصرف
5- لا يسسري التقادم على الالتزام المعلق على شرط :: لان التقااادم يبدأ يتحسب لو كان الالتززام تم :: لكن هنا متوقف على شرط
اى خدمعه
اخر سؤال التضاااامن :: الجىى :: علشان نخش شويه ع الاثبات
.........................................
المــوضوع الحادى عشر :: والاخير فى احكام التززام :: ونبدأ احكام اثبات شويه :: وبعدين نحل قضايا :*
بس شجعوونا :: وفهمووا العالم ان ليالى الامتحان واحد بس :: سمعوهم صوتنا :D
(((( التضــــــــامن وما الفرق بينه وبين التضــامم )))
بصوا اشباب فين نووعين من التضاامن ::
اما تضاامن ايجــابى :: اما تضامن سلبى ::
والتضامن السلبى :: ان يكون فى اكتررر من مدييييين :: متضاامنين :: لداائن واحد :: ياعنى احمد وخالد ومحمد مداينين كلهم لسامح :: والتلاته دوول بينهم تضاااامن :: ومدينين ب 600 جنيه :: كل واحد فيهم ب 200 جنيه
لو احمد راح سدد 600 جنيه كلهم لسامح :: برأت ذمه الجميييع :: لان هنا المدينين ذمتهم الماليه واحده :: فلو واحد سدد الدييين كله ::: خلاص برأت ذمه الجميييع ..
طيب العكس :: التضاامن الايجاابى ::
ف اكتر من دااااائن لمدييين واااحد :: بكل يساطه احمد وخالد ومحمد برده بس دائنين لشخص واحد اسمه سامح ::
فساامح ممكن يسد مثلا لخالد الدييين كله :: فخلاص هنا برأت ذمت ساامح من الجميييع .. لان الدائنين هنا متضامنين :: ياعنى لو واحد فيهم خد الدين كله :: خلصت كده
طيييييب ده التضامن ايجابى كان او سلبى :: ايه بقى التضـــامم
وده بيبقى ف اكتر من شخص مدين لشخص واحد بس :: هما مش متضامنين بقى ولا يعرفوا بعض اصلا ولا اى حوار امال ايه اللى حصل
قالك مثلا عااامل كان عامل عقد عمل مع صااحب مصنع :: بس راح اتفق مع صاحب مصنع تانى انه يشتغل معااه :: وصاحب المصنع االمنافس ده هو اللى حرضه ع الكلام ده :: فقالك ايه بقى من حق صاحب المصنع الاولانى :: انه يرجع على العااامل بالتعويض على اساس المسئوليه العقديه ع اساس ان العامل أخل بالتزامات العقد وليييييا برده ارجع على صاحب المصنع المنافس لانه ضم على العامل وساعده :: وارجع عليه بالمسئووليه النقصيريه
اشطه :D ليالى الامتحان
 




ليست هناك تعليقات:

إرسال تعليق

keyboard_arrow_up

جميع الحقوق محفوظة © ليالى الامتحان

close

أكتب كلمة البحث...