المتــوقع فى المرافعااات الفرقه التالته ::

الامتحااان عبااره عن 13سؤاال اختار 10 كل سؤال بدرجتين ::

السؤال الاول :: البطلان جزاء قاسي يؤدى الى هدر اجرائى قاوم المشرع هذا الهدر ؟

صيغه اخري :: انتهج المشرع المصري فكره الحد من اثار الدفع بالبطلان

هديه من الدكتور (درجتين)

السؤال التااانى :: محكمه النقض ليست درجه من درجات التقاضى ؟

صيغه اخري :: محكمه النقض محكمه قانون وليست محكمه موضوع (واقع ) ولكنها ممكن ان تتحول ؟ هديييه (درجتين )

الســؤال التااالت :: الفرق بين حيده القاضى وحياااد القاضى ::أو عدم صلاحيه القاضي الحتميه او التقديريه (رد القاضى ) ؟ درجتين بعون الله وحده

كده بعون الله هيبقوا 6 درجات فاضلك 4 وتنجح :D

السؤااال الرااابع :: تختص المحاكم الجزئيه بنوعين من الدعااوى (الدعاوي الشائعه :: اللى هى الروتينيه والدعاوى المستعجله )) بعون الله يبقى واحده فيهم يأما روتينيه يأما مستعجله فى الامتحان

الســؤال الخاامس :: ترفع الدعوى من ذي صفه على ذي صفه ؟ متوقع جدا جدا

السؤاال السااادس :: التعااارض بين الاحكام مشكله كبيره ولكن لها وسائل وقاايه منها الدفع بالاحاله لقيام ذات النزاع والدفع بالاحاله للارتباط والدفع بالاحاله لعدم الاختصاص ؟ خلى بالك اووى

السؤال الساابع :: الخصوومه من الممكن ان تقف فما هى مصير الخصومه الموقوفه وهل تختلف على حسب نوع الوقف ؟ متوووقع جدا

السؤال الثااامن :: الفرق بين سقوط الدعووي وان الدعوي كأن لم تكن وشطب الدعوي ؟ خلى بالك منه جدا جدا جدا جدا جدا

السؤاال التاااسع :: هناك موواعيد تقف وتنقطع وتمتد ؟ :D

السؤال العااشر :: تباينت ردود الفعل التشريعيه تجااه غيااب الخصوم فى الدعوى ؟ متوقع جدا

السؤال الحاادى عشر : الاثــر النااقل للاستئنااف

السـؤال الثانى عشــر :: هل كل الاحكام قااابله للطعن بالاستئنااف ؟ صيغه اخري الاستئنااف الاستثنائى :: صيغه تالته :: جواز الطعن بالاستئناف فى الاحكام النهائيه او الانتهائيه ؟ متووووووووووووووووقع جدا

السؤال الثالث عشــر : الاستئنااف الفرعى والاستئناف المقااابل

الســؤال الراابع عشــر :: الاعلللان وبالاخص فى الموطن والاعلان الاستثنائى

سؤااال احتييااااطى ومهم جدا جدا جدا ::: المصلللحه شرط من شروط قبوول الدعووى

حد هيقولى طبعا كل ده هقووولوا لا يابو لسان طوويل ده فى زيهم :: بس انا اختصرتهم ف دول :D

ولو مدخلتش بيهم بكره اعرف انك كده فى قلق كبيررر

بالتوفيق لو عايزنى اشرح :: وريني اقبالك
.....................................
الســـؤال الاول ((شرح بلدى ) مرافعات الهــــديه الاولى ::

وده السؤال الهدييه الاول من الدكتور :: وهو البطلان جزاء قاسى حاول المشررع الحد منه :: هختصرهولك ف عشر سطور او صفحه كده علشان تكتبه بكره بالظبط زى ما هكتبه بعون الله ::

ان المشرع اتخذ سياسه عاامه للحد من البطلان على قدر الامكاان وده بسبب ان البطلان يؤدى لهدر كثير من الاجراءات

تتمثل سياسه المشرع فى اربع محاااور

المحور الاول :: ربط وقوع البطلان بتخلف الغاايه :: فمثلا لا يحكم بالبطلان اذا تم اثبات ان تحققت الغااايه من الاجراااء حتى لو كان الاجراء المتبع فيه بعض الاخطااء لكن طالما الغايه منه اتحققت خلاص :: المشرع عمل كده علشان يحد من البطلان

المحور الثانى :: التفرقه بين البطلان المتعلق بالنظام العام والبطلان الغير متعلق بالنظام العام

فلو كان البطلان متعلق بالنظام العام فان المحكمه هتحكم به من تلقاء نفسها

تتمثل سياسه المشرع فى اربع محاااور فظام العام زى عيوب الاراده :: فاللى ليه المصلحه كالخصوم هما اللى بيطلبوا البطلان :: ياعنى المحكمه مش بتحكم بيه من تلقاء نفسها

المحور الثالث :: فكره تصحيح العمل الباطل

فهناك تصحيح بالتكمله :: وهناك تصحيح بالنزول عن البطلان ::

1- التصحيح بالتكمله :: ياعنى مثلا لو ف صحيفه طعن غير موقع عليها من محامى مقبول :: ياعنى صحيفه الطعن صحيحه وكل حاجه بس غير موقعه من محامى مقبوول :: فبكل بساطه بدل ما تبقى الصحيفه كلها باطله :: طب ما احنا نكمل الاجراء عن طريق قيام محامى بالتوفيق ع الصحيفه وخلص الحوار :D علشان نحد من البطلان

2- الصحيح بالنزول :: فلو كان البطلان مثلا نسبى :: ياعنى الاجراء قابل للابطال :: فممكن للمتضرر ان يتناازل عنه :: ويبقى كده تم الحد من البطلان :: وخلى بالك النزول مممكن يكون صراحه وممكن يكون ضمنيا

3- التصحيح بالحضوور فى حاله بطلان اوراق التكليف بالحضور :: ومعنى ذلك ان لو هناك بطلان ف اوراق التكليف :: بالحضور امام المحكمه :: زى مثلا عيب ف تاريخ الجلسه :: او مكانها :: او حتى شكل الاعلانه :: فأن حضور الخصم مثلا فى الجلسه المحدده لنظر الدعوى بناء ع الاعلان الباطل هنا صحح البطلان ::

ياعنى لو احنا شكل الاعلان كان غلط :: بس المعلن اليه وافق وحضر ياعم :: مع ان الاعلان كان ف اجراء باطل :: قالك خلاص بحضور المعلن اليه ف الجلسه :: صحح البطلان :]

رابعا :: الحد من اثار البطلان عن طريق التحول والانتقاص ::

1- التحول :: ويعنى ان الاجراء باطل :: ولكن جوه الاجراء ده عنااصر اجراء اخر صحيح فتحول الباطل الى صحيح :: ياعنى مع ان الاجراء اللى خدته باطل :: بس جوه الاجراء ده عنااصر خلتنى اخد اجراء اخر صحيح :: فتحول الاجراء الباطل الى اجراء صحيح :: زى اليمين الحاسمه الباطله اللى بتتحول الى اقرار قضائى

2- الانتقاص :: ياعنى لو كان شق من الاجراء بس اللى باطل لكن الشق التانى صحيح :: فيزول الشق الباطل ويظل الجزء الصحيح ::

بالشفا :: كوبى بيست بقى :D وابدأوا اشرحوا زي وقولوا شرح وبتاع
.......................................
الســـؤال التــانى :: متووقع

تكلم عن انواع وقف الخصومه مبينا مصير الخصومه ف كل نوع ؟

بصوا اشباب ساعات بتحصل حاجات كده بتخلي الخصوومه تقققف فقط لمده معيينه :: وبعد المده دى يمكن استكمالها تانى خلال مده معينه :: بس لو لم يتم استكملها تعتبر الدعوى او الخصومه كأن لم تكن : تعال نشووف

أولا :: الووقف القانوني للخصومه ::

1- وفاه احد الخصوم :: تتوقف الخصوومه الى ان يعلم ورثه المتوفى انهم صاروا اطرافا فى الخصوومه محل مورثهم

2- فقد الاهليه الاجرائيه :: لو حدث جنون او عته لأحد الخصوم الى ان يحل محل فاقد الاهليه ::

3- فقد الصفه النيااابيه ايضا :: لو كان ولى او وصى عن ناقص الاهليه وكان نائب عنه امام القضاه ولكن اكتمل سن الاهليه :: فهنا بتقف الخصومه علشان يحل اللذى اكمل الاهليه بدل من الولى او الوصي

ثانيا :: ألوقف القضائى : :فيه وقف تعليفى ووقف جزائى

أ-الوقف التعليقي :: ده لما يتم عرض امرا او دفعا ع محكمه اول درجه جزئيه او ابتدائيه وهى لا تختص ف نظر هذا الدفع :: فلازم توقف الدعوى لحين الفصل ف هذا الدفع امام المحكمه المختصه (المسأله الاوليه )

ب-الوقف الجزائى ::

:: لو المحكمه امرت المدعى بتنفيذ امرا معييين :: والمدعى رفض او معملش :: من حقها توقف الدعوى مده لا تزيد عن شهر :: واذا انتهت هذه المده ولم يبادر المدعى خلال 15 يوم لانتهاء مده الوقف بطلب سير الدعوى :: وجب ع المحكمه اعتبار الدعوى كأن لم تكن

ثالثا :: الوقف الاتفااقى ::

يجوز وقف الدعوى بناء ع طلب او اتفاق من الخصووم ع عدم السير فيها :: ودى لمده لا تزيد عن تلاته اشهر :: وهتقولي بيوقفوها ليه ممكن علشان يتصالحوا مع بعضهم ::

عوده الخصومه مره اخرى :: اذا فشل مثلا موضوع الصلح بين الخصوم فأنهم يعودون للاستمرار فى الدعوى :: بس لازم بعد انتهاء مده الوقف قدامك 8 ايام علشان تحرك الخصومه تانى :: لو متمش ف خلال 8 ايام هذا الامر :: الدعوى كأن لم تكن

اى خدمه والله عندى كورسات :: بس دعواتكم مشجعانى
.......................
الســؤال التــالت ((من المتوقع ))

اكتب فى الفرق بين حيده القاضى وحيااد القاضى

أ-حيــده القاضى :: معناه ان القاضى لا يميل نهائيا الى احد الخصووم :: لان فكره القضاه اصلا هى التجرد من الميووول :: ياعنى البعد عن الرغبات والاهوواء وعدم الانحيااز لخصم على حسااب خصم اخر

ب- حيااد القاضى :: ان القاضى لا يتدخل من تلقااء نفسه بل لابد ان يكون 1لك بناء على طلب من الخصوووم

لان وظيفه القاضى هي ف الاصل وظيفه قضائيه ودى بتخليه وبتحتم عليه عدم التدخل من تلقاء نفسه بل انه لا يكون بقبول النظر فى الدعوي الا بناءا على طلب من الخصووم فأصبح هنا للقاضى دور ايجابى فى الخصوومه :: انه يقوم بأظهار الحقيقه وتحقيق العداله

المبدأ بتاع الحيده والحياده بيعبر عن روح القضاء ودي فكره بترتبط فى الاول وف الاخر بالاخلاق

..............................
السؤاال الرابع ا لمصصصصصصلحه كشرط لقبوول الدعوى :: بنتوقعها علشان ف تعليم مفتوح امبارح جاب الصفه فيمكن دى اللى تيجي ::

ياعنى ايه كلمه مصللحه .. المصلحه هى درء مفسده او جلب منفعه .. وكلمه درء ياعنى رد مفسده .. واكيييد الشخص لازم يكون ليه مصلحه لرفع الدعوووى

ولكن ما هى انوواع المصلحه ::

1-مصلحه ادبيه وماديه

2-مصلحه اجرائيه وموضوعيه

3-مصلحه مشروعه

4-مصلحه محتمله

1- المصلحه الماديه والادبيه :/: يقصد بالمصلحه المااديه ان يكون الشخص رافع الدعوى له مصلحه تتعلق بالماال .. كمثال ثبوت الملكيه العائد منها هو عائد مااادى ..

وممكن كمثال تكون المصلحه ادبيه :: زى اللى بيرفع دعووى علشان امر يتعلق ابلسمعه والشرف .. وممكن كمان يكون الامر رووحى .. زى اللى بييرفع دعوى اعتراضا منه ع هدم مسجد او كنيسه

2- المصلللحه المشروووعه وهذه المصلحه يقرها القانون ولا يمكن ان تخاالف النظام العام والاداب العامه ..
مثال :: لا يجوز لخليله العشيق :: ان تطلب رفع دعوى عن الضرر الذى اصابها نتيجه هجر العشيق لها ::

الخليله هنا ياعنى الموزه اللى ماشى معاها .. من لاخر علاقه محرمه .. مينفعش واحده داخله ف علاقه محرمه فالواد سابها تروح تشتكى للمحكمه .. لان اصلا العلاقه المحرمه مخالفه للنظام العام

3- المصلحه الموضوعيه والاجرائيه

أ-المصلحه الاجرائيه :: ودى بيتم رفع الدعوى اذا كان للشخص مصلحه معينه فى الطعن مثلا فى عدم صحه الاجراءات اللى تم اتخاذها فى دعوي معينه بيسموه دفع اجرائى ::

ب- المصلحه الموضوعيه :: ودى متعلقه بأصل الحق :: زى ان حد يتمسك بحياازه شىء معييييين

4- المصلحه المحتمله ((دى اهم جزء اصلا ))

انوواع المصاالح المحتمله :::

الحااله الاول :: دعااوي وقاائيه

الحاله الثانيه :: دعااوى الأدله

الحاله الاولى :: دعاوي وقااائيه

أ- دعوي قطع النززاع :: ومعناها ان ف شخص بيدعى على شخص خارج مجلس القضاء بأن له حقا فى مواجتهه :: فمن حق هذا الاخير :: انه يدفع امام المحكمه بأثبات اذعاانه :: ياعنى اثبات ادعااءه لكن امام مجلس القضاء ::

ب- دعاوى المطالبه بالحقوق المستقبله

معناها ان المدييين مثلا اخل بألتزامات دفع الاقساط المستقبليه فيجوز رفع دعوى للمطالبه بجميع الديوون المؤجله ::

ج-المطالبه بأبطال العقود والشروط :: لو لسه قبل حلول الاجل اى من الخصمين اكتشف ان ف بطلان فى العقد :: فهنا نكون امام خيار ان يبادر الشخص رفع دعوي للمطالبه بأقرار هذا البطلان مع ان الاجل لسه مجاش :D

د- وقف الاعمال الجديده :: يجوز عادى نرفع دعوى لو كانت سوف تضرني الاعمال الجديده للحكومه مثلا
-

الحاله الثااانيه :: دعاااوى اثبات الحاله

أ- دعاوى اثبات الحاله :: ودى بتهدف لأثبات معااالم واقعه معيينه خايفين ان هذه المعالم تضيييع :: لو لم يتم اثباتها على وجه السرعه

مثال زى اثبات التلف اللى عمله المستأجر فى العين المؤجره

ب- دعوي صحه توقيع :: ودى بتهدف من وراءها رافع الدعوي :: هو تأكيد وصحه توقيع شخص :: حتى لا ينكره فى المستقبل

ج- دعوي التزوير الاصليه :: ودى تهدف الى اثبات التزووير الموجود فى محرر

د-دعوي سماع الشاهد :: ودى بتهدف ان احنا بنرفع دعوي لو كان هناك شاهد ولكن هذا الشخص كا نيحتضر ففى هذه الحال ممكن يضيع حق الشخص :: فيمكن للشخص ان يتم سماع شهادته :: طالما كان الشاهد الوحييييد ::
.......................................
الســؤال_الخامس :: انا على تكه وانام :: شجعونا الله يباركلكم بوجودكم

رد القــاضى ((عدم الصلاحيه التقديريه)

معناه ان القاضى يتنحي من تلقاء نفسه عن النظر فى الدعوي او يطالب الخصووم برررده :: وهناك حالات لرد القاضى

1-الدعوي المماثله 2- الخصومه القائمه 3- العلاقه الشخصيه

أولا :: الدعوي المماثله :: ودي دعوووتين :: فى دعوي يقوم برفعها القاضى امام محكمه معييينه :: ودعوي تاانى هتطرح على نفس القاضى بس شبيهه بالقضيه اللى رفعها القاضى بنفس الاسباب ونفس الموضوع :: وهنا التماثل معناه :: ان المسأله المطروحه بالدعوتين واحده :: وهنا فى الحاله دى يتم رد القاضى ::

ثانيا :: الخصومه القائمه :: ومعناه ان يكون للقاضى هو او زوجته :: خصووومه مع احد خصوم الدعوي :: ولازم الخصومه دى تبقى قااائمه :: وهنا يجب على القاضى ان يتخلى من تلقاء نفسه ويجوز ايضا رد القاضى لو طلب احد خصوم الدعووى الموجوديه رده

ثالثا :: العلاقه الشخصيه

أ- الخدم :: كل ما يربط القاضى بخدمه :: ففى هذه الحاله لو الخدم دول رفعوا قضيه او كانوا خصوم فى قضيه ينظرها القاضى لابد ان يتنحى او يطالب الخصم برده

ب- المواكله والمساكنه :: ومعناها ان اكلنا ومش شرط الاكل على مائده الخصم او القاضى ممكن يكون حد غرريب :: المهم حصل مواكله بين القاضى وبين احد الخصوم :: فده هيأثر على مشاااعر القاضى عند النظر فى الدعوي

والمساكنه معناها السكن المشترك بين القاضى واحد الخصوم لبعض الوقت ::

ج- قبول الهدايا :: وده سبب من اسباب رد القاضى :: ولازم القاضى يتخلى من تلقاء نفسه لا ده يدل على زجود علاقه شخصيه

د-الموده والعداوه ::: اثبات ان القاضى بيحب خصم او بيكرهه :: اثبات يكااد يكون مستحييل :: بس ينفع يتثبت لو :: اثبتنا ان العداوه او الموده او المحبه شخصيييه ومباشره من القاضى للخصم وان تكون الموده او العداوه حقيقيه فعلا

اى خدمه
................
الســؤال الســادس ((الهــديه التااانيه من الدككتور )) هل محكمه النقض درجه من درجات التقااضى .. صيغه اخري : محكمه النقض محكمه قانون وليس موضوع ؟

الاجــابه :: محكمه النقض دورها انها تقوم بتفسير القوانين اللى بتصدر من المحاكم الخاصه بأول درجه :: لانها ليس محكمه موضوع وهي ايضا ليس درجه من درجات التقاضى عكس الدول الخارجيه :: ولو تولت محكمه النقض الطعن :: فهى لا تحكم الا بأمرين فقط ::

الاول :: اما تقبل الطعن المقدم من الشخص وترفض تأيــيد حكم محكمه الاستئناف :: وساعتها مش هتنظر محكمه النقض فى الموضوع دى هتحول الموضوع من اول تانى امام نفس المحكمه اللى نظرت الموضوع بس مع تشكيله قضائيه جديده ::

واما ان ترفض الطعن وبالتالى هتأيــيد حكم الاستئناف وكده يبقى الحكم بات

لكن علشان محكمه النقض تقدر تحكم فى الموضوع لابد من توافر شرووط :: مع ان الاصل مينفعش اصلا تتصدي للموضوع :: لانها محكمه قانووون :: لكن

1-اذا كانت الدعووي صالحه للحكم فىيها

2-لو كانت الدعوي يطعن عليها لللمره التانيه امام محكمه النقض ياعنى لو اول مره تم الطعن ع الحكم امامها ثم احالتها :: ثم جاءت مره اخري اليها :: ففى الحاله دى تتصدي محكمه النقض للموضوع

:: خلى بالك ان محكمه النقض بالرغم انها ليست درجه من درجات التقاضى

الا انها فى اذا كانت هناك دعوي تنظظر فيها المحكمه الاقتصــاديه :: بدايرتها بقى الاستئنافيه او الابتدائيه فبيتم نظرها امام محكمه النقض وبنعتبروها هنا محكمه تاااني درجه :: بس فى حاله الدعاوي الاقتصاديه بس ::
.............
الســؤال الســابع :: اكتب فى الصفه :: بصيغه اخري :: الدعوي ترفع من ذو صفه على ذو صفه اخر ::

هتقولوا فى الاجابه :: ان هناك فرق بين الصفه فى التقاضى والصفه فى الدعوووي ::

أ- فأن الصفه فى التقااضى دى معناها ان الشخص صاالح ولديه القدرره علشان يباشر الاجراءات بأسمه او حتى بأسم غييره :: لان لو شخص قام برفع دعوي دون ان تتوافر فيه اى صفه للتقاضى كان الجزاء بطلان الاجرااء

ب- الصفه فى الدعوي :: ومعناها ان المركز القانون والموضوعي لرافع الدعوي :: انه مثلا تم الاعتداء على حقه :: فهنا لازم نعرف ان ده شخص طالما له حق فهو له صفه فى الدعووي ::

خلى بالك ان الدعوي بتنقطع وبتقف لو الصفه مبقتش موجوده وده بيتحقق فى كذا حاجه

الاول :: لو اتوفى احد الخصووم :: خلاص ف كده صفه راحت

التانى :: فقدان الاهليييييه :: بقيت مجنون ياحج :: فخلاص ملكش صفه

التالت :: زووال الصفحه :: ومثلا ان انت كنت ناائب مثلا عنى بقوه القانون زى الوالى او الوصى :: لان انا ناقص الاهليه :: زهنا تزول الصفه عن الولى اللى القاصر بلغ فيها سن الرشد

الفرقه بين الصفه العااديه والغييير عاااديه ::

1- الصفحه العااادى :: هى صفه صااحب الحق اى كان موضوعه

2-الصفه الغير عااديه :: زى الدعوي الغير مباشره :: اللى برفعها الدائن على مدييين المديين :: مع ان الدائن هنا المفروض مكنش ليه صفه :: ولكن قالك دى بنحسبوها فى القانون صفه لكن غير مباااشره ::

انتهى :::
.................
السؤال التامن :ما هو لتدخل الانضمامى والتدخل الاختصااامى :D او ما يسمى بالهجوومى ::

بصوا اشباب :: التدخل الاختصامى او الهجومى او الاصلى :: اى كان الاسم :: ده شخص يسمى المتدخل :: بيدخل دعووووه وهو اصلا مش طرف فيها ولا تبع المدعى ولا تبع المدعى عليه ده داااخل علشان يطاالب بحق لنفسه هو ::

مثال :: لو اتنين رفعين دعوه بخصوص ملكيييه مثلا :: المدعى بيقول دى بتاعتى :: والمدعى عليه بيقول بتاعتى انا :: راح داخل شخص تالت قال لا بتاعتك ولا بتاعته دى بتاعتى انا :: كده تدخل شخص تالت وطااالب بها هو لنفسسسه :: مع انه اصلا مكنش طرف ف الدعووه :: فهذا التدخل :: فهو تدخل هجووومى ::

اما التدخل الانضمامى :: فده لذوذ كده هو مش عايز يخش علشان يطلب حاجه لنفسه :: هو يكفيه بس انه ينجح الخصم اللى بيدخل بجانبه ::

فهو ممكن يدخل ويبقى جمب المدعى :: وممكن يدخل ويبقى جمب المدعى عليه ::

والتدخل ده جاائز امام اوول درجه ((اللى هى ابتدائيه وجزئيه )) وجائز امام تانى درجه برده (الاستثناف )

طب الفرق بين الاتنين اييييه ياحلو :D

1- المتدخل هجوووميا دايما بيبقى ف مركز المدعى :: لانه دايما بيطالب بحق لنفسسسه ::

اما المتدخل انضمامى فحسب ما بينضم :: مره ممكن يبقى مدعى لو وقف ف صف المدعى :: ومره مدعى عليه لو وقف ف صف المدعى عليه

2- التدخل الهجومى بيبقى قدام اول درجه بس :: عكس الانضمامى قدام اول درجه وتانى درجه اشطه

3-ف التدخل الهجومى لو الاتنين بتوع الملكيه اللى قولنا عليهم تنازلوا عن الدعوى :: لا يسقط حق المتدخل الهجومى لانه اصلا داخل يهاجم علشان الحق :: فهيكمل عادى علشان يثبت حقه

احلى مسا
...........................

الســؤال التــاسع :: تكلم عن اختصاصات المحاكم الجزئيه بالدعاوي الروتينيه ::
بيقولك ان الاصل العامان المحكم الجزئيه بتختص بالدعااوى التى لا تزيد عن 40 الف جنيه :: لان بعد 40 انتوا عارفين ان المحكمه الابتدائيه هى اللى مختصه
بس بيقولك فى دعاااوى بتختص بيها المحكمه الجزئيه حتى لو قيمتها تعدت ال 40 الف
أولا :: دعااوى الري والصرف :: وهى دعااوى تنشأ بين المززارعييين بعضهم البعض بخصوص ري او صرف اراضى .. ايا كان المنازعه دى ايه قيمتها :: لان املحكمه الجزئيه بتختص بالمنازعات دى لقربها من المزارعين المتنازعين
ثانيا ::دعااوى تعيييين حدود وتقدير مسافات
لو ف اراضى زرااعيه متلاصفه فأكيد عايز اعمل تعيييين الحدود :: فبتختص المحكمه الجزئيه بالكلام ده :: وتقدير ايضا المسافات :: لو ف عقاااارين متلاصقين زى بلكونه كده قصاد بلكونه مفيش مسافه قانونيه :: او عقار لازم ف عقاار ف الحاله دى حق اى طرف ان يطلب ما يمسى بتقدير مساافه :: وكل ده قدام الجزئيه
ثالثا :: دعاوى قسمه المال الشاائع :: المحكمه الجزئيه بتختص بدعااوى القسمه التى تخص المال المشتااع :: اي المال اللى بيملكه اكتر من شخص :: لو كان المال ده هيتقسم عقار كان او منقول الجزئيه هي اللى متخصه
رابعا :: دعااوى صحه التوقيع :: وده اختصاص استشاري للمحكمه الجزئيه اى كانت قيمه الدعوووي :: فلازم صحه التوقيع تتعمل فى المحكمه الجزئيه
خااامسا :: الدعاوى الاصليه بتسليم العقارات ::: اى دعوي بتترفع من مستأجر لمؤجر :: او من مشتري لبائع بيطالب بحقه فى تسليم عقاار معييين :: تنظر ده المحكمه الجزئيه
انتهى "" يتبع
.........................
الســؤال العااشر :: تكلم عن غيااب الخصووم
المشرع حاول يضع حلول عند غيااب الخصوم فخلى المحكمه تحكم اما بشطب الدعوي او تأجيلها او كأنها لم تكن
أولا :: ف حاله غيااب المدعى واحده :: ياعنى لو اللى رافع الدعوى هو اللى غاااب :: بيقولك لو تغيب المدعى وكان عارف بميعااد جلسسسسسته :: وتمسك المدعى عليه بالحكم المحكمه لازم تحكم :: ولكن فى الغالب المدعى عليه مش بيتمسك :: وف الحاله دى تتشطب الدعوووي
اما لو طبعا مكنش يعرف ولم يتم اعلانه :: فتؤجل الجلسه
متنساش ((شطب الدعوي )) معناها انها بتنزل من جدول الجلسات ولمده 60 يوم لو المدعى مشغلهاش تانى ولا سأل فى امها :: بتكون الدعوى كأن لم تكن
ثانيا :: فى حاله غياب المدعى والمدعى عليه معاا ::
لازم نفرق هنا بين امررين
الامر الاول :: لو كانت اصلا الدعوي صالحه للحكم فيها :: ف الحاله دى تحكم المحكمه حتى لو غاب الخصووم
اما الامر التانى :: لو كانت الدعوي غير صالحه للحكم فيها :: فلو الخصوم تغيبوا كلهم بس المشكله ان الدعوي كانت لسه غير صالحه للحكم فيها :: تؤمر المحكمه هنا بشطببببها ::
ثااالثا :: غياب المدعى عليه وحده ::
لو غاب المدعى عليه :: بس حضر المدعى :: وده كتيير اوى الوقوع فى الحياه العمليه اللى احنا عايشين فيها :: لازم نفرق بين امرين
الامر الاول :: لو كان يعلم بالجلسه واعلانه ده قد تم لشخصه هو ياعنى علم علما يقينيا :: فى الحاله دى الغياب ليس له مبرر :: ويقدر القاضى يفصل ويحكم فى الدعوي لو كانت صالحه
الامر التانى :: لو كان الاعلان مثلا تم فىا لموطن :: او ف جهه الاداره مكان شغله :: فالعلم هنا ممكن يكون علم ظنيييا امر مشكوك فيه :: فتؤجل الجلسه لو مجاش مره اخري ::
لو تعدد المدعى عليهم :: وكلهم غاابوا جميعا :: فتؤجل الدعوي الى جلسه اخري
لو تعددوا بس حد فيهم جه :: يتم الحكم فى الدعوي
::: بالتوفيق
...................
الســؤال الحادى عشــر :: المواعيد تمتد وتقف وتنقطــع ؟
انتوا عارفين ان بيبقى ف مواعييد ملتزمين بيها للاستئناف زى مثلا 40 يوم للاستئناف على الحاجات بتاعت الاحوال الشخصيه المهم بقى هل الاربعين يوم ده ينفع يمتدوا :: يقفوا :: ينقطعوا خالص ده اللى هنشوفوا
أولا الامتداد ::: وده اضافه ميعااد جديد الى الميعااد الاصلي :: بسبب المساااافه او العطله الرسميه
أ-العطله الرسميييه :: لووو صادف اخر الميعاااد عطلله رسمييييه :: بنمد يوووووم :: الى اول يوم عمل بعدها :: ياعنى لو اليوم الاربعين مثلا فى الاستئناف كان جمعه :: دى عطله رسميه :: بنمدها للسبت وحتى لو ف اجازه عشر ايام :: برده بنمد يوم واحد بعد انتهاء الاجازه
اذا الامتداد يوم واحد بسبب العطله :: ولازم العطله تبقى اخر يوم
ب- امتداد الميعااد بسبب المسااافه :: بالنسبه للاشخاص اللى موطنهم فى مصرر بس مثلا هيستأنفوا فى محكمه القاهره مثلا : وهما مثلا من الشرقيه :: بيقول بنراعى كمان مواعيد المسااافه
فعلى كل 50 كيلو متر :: بديك امتداد يوم :: بحد اقصى اربع ايام :: ياعنى لو 200 كيلو اربع ايام :: لو 500 كيلو برده اربع ايام :: كل خمسين بيوم ::
طيب بالنسبه للاشخاص اللى خارج الموطن اصلا :: بره مصر : قالك بتمتد ليهم المسافه 60 يوم غير الميعاد الاساسى بتاعهم
طيب بالنسبه للناس اللى ع الحدود :: حدود ليبيا :: سينا :: قالك بنمد ليهم المسافه بجانب ميعادهم 15 يوم كمان
ثانيا :: الوقف :: هل من الممكن ان يقف الميعاااد فتره ثم يستمر بعد ذلك :: قالك ف حاله حدوث قوه قاهره تؤدي عالطول لوقف سريان الميعااد :: ولا يعوود استكماله الى بعد زوال القوه القاهره :: والقوه القاهره بركان زللزال اعصار وهكذا
ثالثا ::قطع الميــعاد :: ده حدوث اجراء يترتب عليه زووال الميعاااااد خالص وبدأ ميعاااد جديد ::
المواعيد التى يمكن ان تنقطع هو ميعااد سقوط الخصوومه :: ومعنى سقوط الخصومه علشان ممكن تجيلك ف الامتحان لوحدها
سقوط الخصوومه :: لو رفعت دعوي وعدى 6 اشهر على اخر اجراء صحيح ::: ياعنى رفعت دعوي وعملت اجراء صحيح فيها وسبتها 6 اشهر :: هنا بتسقط الخصووومه ::: بعد ال 6 شهور دول :: بس لو عملت اجراء صحيح خلال ال 6 دول :: عاادى بتستمر مره اخري الخصوومه :: وبتنقطع المده
تمام
.......................
الســؤال الثااانى عشــر ::
الاثــر النااقل للاستئنااف ::
معناه :: ان الدعووي بتنتقل بحالتها اللى هى عليها امام محكمه اول موضوع :: تنتقل الى محكمه الاستئناف ::
ولازم نفرق بين حاجتين :: اثر ناقل ارادي (اداري ) للاستئنااف
واثر ناقل بقووه القانون
أولا :: الاثر النااقل الارااادي ::
وده ياشباب بيجي عن طريق اراده الطاااعن اللى بيحدد فى طلباته ما يريده لمحكمه الاستئناف ان تنظره من خصومه اول درجه :: ياعنى الطاعن اللى بيطعن ع حكم اول درجه :: هو اللى بيقول وبيقدم طلبات قدام الاستئناف بالحاجات اللى عايز يطعن عليها
ثانياا :: الاثر الناقل بقوه القانون :: مع الطعن الىل بيقدمه عادى الطاعن امام محكمه الاستئناف ممكن يتنقلها الموضوع كله بقوه القانون وهذا ف حالات
1- استئناف حكم صادر احتياطى يتبع استئناف حكم صادر فى الطلب الاصلى ::
بالبلدى :: لو ف واحد قدم دعوي بيطالب بيها قدام محكمه اول درجه بفسخ العقد وده الطلب الاصلي :: وقدم طلب احتياطى بالتعوويض :: المحكمه حكمتله بالفسخ وحكمت كمان بالتعويض ولكن بمبلغ قليل :: فالشخص طعن قدام الاستئناف على التعويض دون الفسخ :: فأنتقل الموضوع عموما كله بالعقخ بفسخه قدام الاستئناف علشان لازم علشان تشوف التعويض لازم تشوف اكيد العقد
2-استئاف الحكم المنهى للخصومه بيتبع النظر فى جميع الاحكام الصادره فى القضيه
ياعنى بيبقى ف احكام وقتيه بتصدر بوقف الدعوي :: بيبقى ف بقى احكام فرعيه بتصدر قبل صدور حكم ينهى الخصوومه :: ده بيعتبر مستأنف بقوه القانون :: ياعنى الاستئناف بتبص على الاحكام الفرعيه كمان حتى لو كان الطعن على الحكم اللى انهى الخصوومه :: لو ف قبليها احكام فرعيه برده لازم تبص عليها
3- لو تعدد اسباب الطلب القضائى الصادر فيه الحكم ::
ياعنى لو واحد تمسك بالمطالبه بثبووت ملكيه عقار على اساس الميراث :: وعقد البيع الصادر له من المورث قبل وفاته كمان :: فرفضت المحمه الطلب بناء على عقد البيع صوريته مثلا :: لكنها لم تنظر الى مسأله الميراث :: فطعن المحكومه ضده على هذا الحكمه :: فمحكمه الاستئناف هنا هتلاقيها هتنظر وتفحص مسأل هالميراااث ::لان دى المسأله الاولى بالاهتمام اولا ::
4- استئناف الحكم فى مواد الولايه على المال (محكمه الاحوال الشخصيه )
بيبقى ف احكام مرتبطه ببعض فى الولايه مثلا على المال :: فلما بتم الطعن فى حاجه فيهم :: بتنتقل كل الاحكام المرتبطه والمترتبه على بعضها امام محكمه الاستئناف
5- الدفوع واوجه الدفاع اللى اتقدمت امام محكمه اول درجه :: تلقائيا بتروح برده لمحكمه تانى درجه اللى هي الاستئناف :: زى الشهاده وادله الاثبات ::
بالتوفيق
............................
السـؤال التاالت عشــر ::
هل كل الاحكام قابله للطعن بالاستئناف وهل يجوز الاستئناف فى الاحكام النهائيه او الانتهائيه ؟
بيقولك مش كل الاحكام ينفع نستأنف عليها :: فى احكام لا يجوز استئناافها ::
وذلك بسبب :: أ- قيييمه الدعوي
ب- نووع الدعوى
ج- اتفاق الخصوم
أولا :: قيمه الدعووي :: لو كان الحكم صادر من المحكمه الجزئيه فى حدود 5000 جنيييه فهوو حكم انتهاائى ولا يجوز الطعن عليه بأى حال من الاحوووال
ولو كان صااادر من المحكمه الابتدداائيه فى حدود 40 الف جنيه فايضا لا يجوز الطعن عليه امام الاستئناف لانه احكم انتهاائى
ثانيا :: نوع الدعووي :: ففى دعااوي كتيير لا يجوز الطعن فيه بالاستئنااف مثل :: رد القاااضى
ثالثا :: اتفاااق الخصوووم :: وده اللى بيتفق فيه الخصووم كتاابيا :: ان حكم محكمه اول درجه هو حكم انتهااائى
ايه الفررق بين الحكم النهاائى والانتهاائى
الحكم الانتهائى ده هو الغير قابل للطعن عليها بسبب النصااب المااالى :: او نوع الدعووي او اتفاق الخصووم
الحكم النهاائى ده حكم كان ابتداائى واصبح نهااائى
خلى بالك انه ف حاجه اسمها الاستئنااف الاستثنائى :: خلى بالك منه جدا
والاصل انه لا يجوز الطعن بالاستئناف فى الاحكام الانتهائيه والنهائيه ولكن ف حالات ينفع نستأنف فيها ودى بتسمى حالات استئنايه وده فى حالات
أ- الاحكااام المستعجله ::
ب- الاحكام الصادره بصفه انتهائيه من محكمه درجه اولى وكانت مخالفه للقواعد المتعلقه
ج- الاحكام التى تصدر بصفه انتهائيه بس شاابها بطلللللان
بالتوفيق ::
...............................
الســؤال الرابع عشر :: كل الناس مش عرفاه :: بتوع الكورس بقى والناس الباقيه يسمعوا السؤال ده
السقووط جززاء يقع تااره على الخصووم ويقع تااره على الحق ؟
صيغه اخري الفرق بين سقوط الخصومه وسقوط الحق
الاجابه
بيختلف السقوط :: اذا كان سقوط الحق او سقوط الخصومه من حيث
أولا :: المحل ::
فسقوط الخصوومه :: هو سقوط مجموعه اجراءات تمت فى الدعوي منذ بدايه صحيفه الدعووي ::
اما سقوط الحق نفسه :: فمن حيث المحل معناه :: سقوط الحق الاجرائى :: ياعنى سقوط حقك مثلا فى الطعن بالاستئناف علشان فات الميعاااد
ثانيا :: السبب
من حيث سقوط الخصوم :: بتسقط علشان مممشناش ف الدعوي لمده سته اشهر من اخر اجراء صحيح
اما الحق :: بسبب اصلا فووات الميعاد :: او مثلا اتقفل باب المرافعه
ثالثا :: من حيث وسيله التمسك به ::
سقوط الخصومه :: يتم التمسسك بسقوووط الخصوومه بدفع اجراائى معيين
اما سقوط الحق :: بتتمسك بالدفعم بعدم القبوول
انتهى

هناك تعليق واحد:

keyboard_arrow_up

جميع الحقوق محفوظة © ليالى الامتحان

close

أكتب كلمة البحث...